粉紅水門雞飯係旺角、觀塘及新蒲崗都有分店
今次嚟到新蒲崗分店...
同其他分店一樣，所有主食都只係$36咋！
真係窮人恩物呀
-
粉紅水門雞飯 （$36）
雞肉份量都幾多
肉質嫩滑，雞皮有彈性！
港女我最愛佢哋嘅秘製醬汁
用嚟點雞同撈飯，酸辣惹味呢
雞飯香茅濃郁，份量比觀塘分店多喔！
正宗滷水豬手飯 （$36）
滷水甜甜哋，好惹味！
豬手肉質軟稔入味，有小小黏口
啖啖都係補充骨膠原嘅感覺呢
再點埋泰式醬汁，辣辣哋更加好食
仲附有一隻半熟蛋，夠哂豐富飽肚呀！
Grandma 咖哩牛腩飯（$36）
牛腩肉質軟稔
醬汁香辣惹味，帶香料香味
用嚟撈飯真係無得輸呀！
即使港女我本身唔愛食飯，都好快清晒喔
青木瓜沙律 （少辣，$12）
配料豐富，有櫻花蝦、車厘茄、青木瓜、花生...
雖然餐牌上寫係少辣
但對於食得辣嘅我嚟講，辣勁都幾強
個人覺得酸味可以重喔！
芒果糯米飯 （$18）
一次過嘆到兩種糯米飯
飯粒軟糯煙韌，面頭淋滿椰漿
入口椰汁味濃郁
再加埋鮮甜嘅芒果肉
呢個配搭絕對係完美呀
陳年金橘蜜（$12）
金橘蜜酸咪咪，清新開胃
冷泡炭焙烏龍（$8）
茶味香醇，炭焙味非常濃郁！
冷泡白桃烏龍（$8）
呢款茶相對無咁重口味！
啖啖入口都係清香嘅白桃味
後勁散發烏龍茶香喔！
-
粉紅水門雞
新蒲崗衍慶街29號地舖
Search